سلام عليكم
تفضلوا القصة
القصه تقول ان فيه بنت تدرس في المدرسة الثانويه واسمها (عبير ) مره راحت السوق مع امها
وقابلت واحد ورقمها المهم اخذت الرقم واتصلت عليه تعرفت عليه وهو اسمه (خالد)
تعرفو علي بعض وزادت العلاقه وقوت بينهم ...
كلن منهم يبي يقابل الثاني ولا لقو طريقه وفجأه جت فكره لخالد...
قال اقول عبير ورى ما نتقابل عند المدرسه ..
قالت عبير:: كيف وضح؟؟؟
قال اسمعي انتي ابوك ينزلك الصباح عند المدرسة ويروح الدوام صح؟
قالت :صح عليك..
قال انا امرك وتركبين معي
قالت بس المديره حق المدرسه بتكلم على البيت
قال :: افصلي التليفون وارتاحي
قالت::بس خايفه اتوهق
قال جربي ونشوف
المهم راح ابو عبير ووصل بنته المدرسة ومشى ..
وثواني الا وخالد واقف وركبت
عبير بسرعه وراحوا افطرو في ذا الكوفي شوب الفخم وجلسو يسولفون ويم تمت الساعه 12:15
راح خالد ونزل عبير ورجعت البيت وهي خايفه بس محد درى ..
وكلمت خالد على طول وقالت ان اهلها ما درو وطمنته وسولفوشوي وقال خالد وش رايك اقابلك بكره
قالت :لالالا مو كل مره تسلم الجره
قال :المره ذي جايب لك هديه
قالت :مر واشوف الوضع
ومر خالد في الوقت نفسه وركبت عبير
المهم اخذو على هالحال اسبوع كامل من السبت الى الاربعاء ...
وجاء يوم السبت اليوم اللي نست فيه عبير تفصل التليفون.. وطلعت مع خالد ..
ولا التليفون يرن ..قامت ام عبير (يالله صباح خير)
ام عبير:الو
المديره ::الو السلام عليكم
ام عبير :عليكم السلام من تتكلم؟؟
المديره::انا الاستاذه هدى مديرة المدرسه اللي تدرس فيها بنتك
ام عبير::هلا عسى ما شر
المديره :لا ما فيه الا الخير بس عبير لها اسبوع ما داومت عسى ماهي مريضه ؟؟
ام عبير ::كيف ؟؟...((وصرفت الموضوع)) ايه الله يسلمك البنت مرضت شوي بس
المديره :: زين الف حمد الله على سلامتها مع السلامه ::
ام عبير دارت بها الدنيا وما تدري وش تسوي هل تعلم ابو عبير ولا تمسك البنت وتسالها ؟؟..؟؟
المهم قالت لابو عبير عن كل شيء وقال اسمعي لا تقولين لها اي شيء انا بشوف وين تروح...
ويوم الاحد وصل ابو عبير بنته ومشى شوي وصفط يمن الا هاك االلكزس تمر وتركب عبير بنته
المهم اللكزس كانت مضللله ومشى وراها ابو عبير الين هاك الشقق ونزلت عبير وخالد
ووقف ابو عبير ونزل ومسك راعي الشقق وقاله في اي شقه ؟
وعلمه شقه 14 وطلع ابو عبير وهو يرقى الدرج كان خالد نازل وما انتبه ابو عبير
له المهم طق الباب وفتحت عبير وانصدمت
يوم شافت ابوها قام وضربها وهي هجت للمطبخ
واخذت السكينه تبي تروع ابوها وغلطت وطعنته في صدره وطاح الابو مغمى عليه
وجا خالد وشاف الموقف وقال لعبير بسرعه شيليه معي للحمام
وحطوه في ((البانيو)) وملوه مويه وحطو عليه صابون الغسيل عشان الرغوه وطلعوا...
ورجعت البنت المدرسة وهي تفكر في اللي صار حقيقه ولا خيال ..
المهم طلعت من المدرسه ورجعت مع الباص وطقت باب البيت الا المفاجأه الغريبه ابوها فتح لها....
وصاااااااااااحت وقالت ::ابوي مو معقول
رد أبوها :
مع تايد في الغسيل ما فيش مستحيل
ـــــــــــــــــــــــــــــــــــــــــ
